Snowglobes

希望有朝一日可以儲到世界每城市的水晶波波。暫時最鍾意Sakura響New York買比我個蘋果型水晶球，同埋湯姆送比我果個雖然唔算"球"但係好特別，未見過三角型的，仲要係From盧森堡<--我唸我無乜原因、機會會去呢個城市。

尋晚同Reena睇左Spiderman 3，本身我唔係好鍾意呢類大美國英雄主義的漫畫電影系列(所以我鍾意Team American)，但係個個朋友都話好好睇、係三隻中最好睇，所以我就好期待睇下有幾好睇。

可能自己大個女左、感情關係多左經驗(雖然多數係失敗既經驗)， 全場都睇得好投入，完全將自己代入左Mary.J個角包，不斷同Reena兩個抖大氣(坐我地附近D人好慘)，記得最心Up果幕係邪惡Peter Parker響Mary.J返工間Pub搞事…Hurt完佢個心仲要唔小心揮左佢一拳! 嘩!! 男人打女人我點都接受唔到!! 成套戲好多笑位，真係好好笑…果張檯好頂癮，邪惡Peter Parker勁搞笑，勁似Futurama個Fry!! 同埋我想講Harry Osborn真係好靚仔，佢死果幕…嘩…兩行眼淚直標，太感人啦! 剛剛重建友誼和好如初就要生離死別…唉~人生實在係太脆弱啦!! 即係第四五六七八集以後都無佢啦…唉~唉~唉~